2015年12月30日 星期三

街市推行八達通的要素

最近巡視領展自營街市,發現在首次試用八達通的大元街市及樂富街市,使用情况都不理想 ( 請參看 天盛街市看領展八達通褪色中 ) ,全新的天盛街市則要等八達通安裝後才知道效果,我總結了推行八達通的要素,推行八達通的優點及缺點供大家討論,看看有什麼需要改善和怎樣改善。


此外也觀察到街巿承辦商在推行八達通層面上比領展自營街市做得更好更全面。

街市要成功推行八達通的要素 :
1. 租約要求 : 街巿>必須安裝八達通
2. 安裝位置 : 街巿>必須指定安裝位置,確保客人容易使用
3. 宣傳 : 街巿>擴大推廣至師奶/長者 (估計現八達通客戶群45歲以下)
4. 八達通機操作 : 街巿>最好能與防水收銀終端機連接,不怕手濕,免却重覆在八達通機細小鍵盤輸入銀碼
5. 八達通機保護 : 街巿>最好有防水功能,或加透明保護罩
6. 培訓 : 檔主>提供足夠培訓使其懂得操作 , 客人>鼓勵及提醒使用,改變客戶的支付習慣

街市推行八達通的優點 :
1. 街巿 : 應用電子貨幣可提升街巿形象
2. 檔主 : 有助每日結算帳款,避免硬幣積存,額外人手存入銀行及有關手續費
3. 檔主 : 加強效率,減低找續出錯機會
4. 客戶 : 減少零錢找續,令交易過程更衞生
5. 客戶 : 外傭僱主較安心,任何交易都有收據

街市推行八達通的缺點 :
1. 檔主 : 八達通租機費每月約200元,每單交易需收取1-1.5%手續費
2. 檔主 : 獨立八達通機鍵盤細小不防水,手濕時難輸入銀碼
3. 檔主 :  需要時間學習及慢慢改變觀念
4. 客戶 :  熟客買餸畀現金時可傾多兩句,較有人情味
Link仔 觀察領展街市推行情况
樂富街市八達通使用情况      2016-01-30
大元街市八達通使用情况     2015-12-20

完美示範 : 八達通安裝使用在耀安街市(建華)

耀安街市防水收銀終端機,不怕手濕,免却重覆在八達通機細小鍵盤輸入銀碼      (照片 on.cc)

24 則留言:

  1. 改變習慣並非一朝一夕的事,個人覺得建華以儲積分換禮品的方式是可取的。以目前觀察,顧客對使用八達通買餸也頗主動,反而如何鼓勵檔户接受八達通交易,還要下點功夫。

    回覆刪除
  2. 我手頭冇樂富資料,所以冇加,不過我相信樂富應較好。
    其實要像搭巴士般習慣使用八達通很容易,安裝八達通機在當眼方便固定位置,客人就會使用,因為我不相信客人為了人情味,而接受帶魚鱗血水的找換紙幣散子,另外為方便檔主,改善設備輸入介面:大按鍵,單次輸入及防水即可。

    回覆刪除
    回覆
    1. 依家望返轉頭,當然覺得拍咭搭車很容易,但當初推出時,亦有人認為拍咭畀錢唔實在,驚畀人扣多錢,況且,拍咭搭車是全港的事,八達通公司會大力推廣,而拍咭買餸,只在小部分領展街市推行,規模相差好遠。畢竟這只是第一步,要等顧客及檔户適應。

      刪除
    2. 仲有一點令檔户抗拒八達通的原因,就係收現金與有憑有據地收八達通的分別,你懂的

      刪除
    3. 其實關於推行街市八達通,現在只是在一些新裝修街市才推行,方向已定就要大力幹,有决心幹好事,既然建華可以做,為什麼領展做不來,問題在那裏? 找出來解决它!
      關於現金報稅問題,檔主既然明知新街市要求清楚賬目,還肯進駐,就要接受及配合八達通系統了,如使用或培訓上有問題,領展及八達通公司無論軟件或硬件上,都要想方法解决。

      刪除
    4. 的確係,尤其係當有宣傳推廣活動,要用消費單據換禮品時,周不時都有D好誇張嘅手寫單,九年前見過150蚊蛋嘅單
      仲有除咗報稅外,仲有係有機會畀業主掌握營業額,咁就會有加租、迫遷壓力
      至於講多幾句,其實D客想傾計嘅,都會留低唔行住啦,關乜鬼畀現金定畀八達通事丫

      刪除
    5. 其實個八達通機唔係強制使用,只係供客人多一個選擇。
      關於租金,其實透明有時對檔主也有好處,因為大家都知道合理租金約是總收入10-15%,如超出了,領展就不可要求加,大家更有根據討論租金水平。
      關於人情味,太抽象了,留給有緣人自己品味吧。

      刪除
    6. 差D唔醒起原來停車場優惠都係睇單,前幾日唔記得響天盛定天耀街市就遇到開單換泊車優惠嘅例子

      刪除
    7. 有時要2至3張單先至有free park,8達通有機印單,現金手寫單都得

      刪除
  3. 當初地鐵用八達通,都係透過減價鼓勵市民使用
    但係街市舖頭可以減價鼓勵市民用嗎?

    除非領展想透過八達通去睇檔主盤數,否則街市用八達通對檔主同街坊都係不切實際

    現金制行咗幾千年,找贖應該唔太大問題。

    另外輸入銀碼方面,地鐵巴士用自動收費,問題唔大。即使7-11,759同超市用barcode, 唔使每次輸入銀碼,用八達通嘅人都唔過一半。除非用八達通有優惠啦

    連超市都唔多人用八達通,街市點會多人用?檔主又要每次入銀碼

    回覆刪除
    回覆
    1. 八達通主要係提升街市形象,給客人衛生同方便,當你買完魚,我想你不希望拿會那些血水魚鱗散紙吧?

      刪除
    2. 我買過幾十次魚,都無發覺有問題。
      如果係咁好,八達通應該好受歡迎,唔使點promo都有用人

      定係用咗方便領展查數?

      刪除
    3. 基本上重點係八達通機安裝位置,當眼就會多人用,再加宣傳同培訓就ok

      刪除
    4. 你覺得對於熟手嘅店收現金,定每次都輸入銀碼再嘟方便? 你有無試過賣嘢?

      刪除
    5. 關於現金/電子支付,建議你參考歐洲/內地發展。
      ======
      早於去年,丹麥中央銀行已經決定不再發行新的紙幣與硬幣,因為丹麥人已經不太使用現金,在 560 萬人口當中,有大約 200 萬人口是使用 Mobile Payment (手機付費)系統,比起香港發達多了。有朋友之前分享過大陸亦很流行用手機付費,形容是老人家、家庭主婦也拿來當主流的付費方式,似乎比起香港亦發達得多。

      刪除
  4. 收到最新消息 : 連接天盛街市各檔戶的寬頻網絡計劃於一月下旬前逐步完成舖設,場內各商戶亦將陸續裝設八達通機。
    對於客人來說真是一個好消息,希望盡早安裝完成,感謝。

    回覆刪除
    回覆
    1. Yeah,原來八達通在領展街市並冇褪色

      刪除
  5. 頌富廣場1期:
    地下前日本城位置開設Italian Tomato, 裝修中

    回覆刪除
  6. 做街市扣除成本 100 蚊先袋3-4 蚊, 你裝部機un un 腳收 1- 1.5 , 仲要收月費,仲好過我企成日做十幾個鐘。

    回覆刪除
    回覆
    1. 八達通收費是八達通公司制定及收取,有意見請向八達通或港鐵公司反影

      刪除
    2. 但領展/建華強迫小商戶安裝, 就係強姦都焗賭啦

      刪除
    3. 老實講,買餸我真係寧願用八達通,尤其係魚檔肉檔,畀現金佢找錢,成陣味嘅
      而家好多人都咁諗,所以D人咪寧願去超市買餸囉
      班檔販只係著眼於婆乸數,又唔諗下點樣同超市競爭,睇下食環署果D檔點解越做越霉就明

      刪除